Mumbai High Court ne masjidon se hone wale alleged noise pollution ko lekar ek mahatvapurn sunwai ke dauran Maharashtra Sarkar se sakht sawaal kiya. Court ne pucha ki agar kisi nagrik ko loudspeaker ya noise pollution ki shikayat karni ho, to uske liye koi dedicated aur aasaan complaint mechanism kyun uplabdh nahi hai.
High Court ne kaha ki citizens ko noise pollution se judi shikayatein darj karne ke liye ek effective aur accessible system milna chahiye. Court ne is mudde par Rajya Sarkar se spasht jawab maanga aur poocha ki aakhir is disha mein ab tak kya kadam uthaye gaye hain.
Sunwai ke dauran Court ne yeh bhi zor diya ki noise pollution se jude niyamon ka palan sabhi ke liye samaan roop se hona chahiye aur kanoon ka implementation bina kisi bhedbhaav ke kiya jana chahiye.
Ab is maamle mein Maharashtra Sarkar ke jawab aur aage ki sunwai par sabki nazar bani hui hai.