Bhiwandi building collapse tragedy ke baad Maharashtra CM Devendra Fadnavis ne rajya bhar ke unsafe aur dangerous buildings ko lekar sakht kadam uthane ke nirdesh diye hain. CM ne civic authorities se kaha hai ki C1 category aur structurally unsafe buildings mein reh rahe logon ko pehle samjha-bujha kar bahar nikala jaye, aur zarurat padne par forcefully evacuation bhi kiya jaye, taaki kisi aur haadse ko roka ja sake.
CM Fadnavis ne kaha ki jaan bachana sabse badi priority hai. Unhone Bhiwandi building collapse par dukh vyakt karte hue zimmedaron ke khilaf sakht action ke nirdesh bhi diye. Sarkar ne sabhi local bodies ko dangerous structures ki pehchan kar turant safety measures aur evacuation drive tez karne ko kaha hai.