Pune ke Sinhagad Road area mein ek 22 saal ke yuvak ki berahmi se pitai ke baad maut ho gayi. Police ke mutabik, kisi vivaad ke chalte aaropiyon ne yuvak par jaanleva hamla kiya, jisme use gambhir choten aayi. Hospital mein ilaaj ke dauran usne dam tod diya.
Is maamle mein police ne 5 nabalig samet kul 10 logon ke khilaaf case darj kiya hai. Filhaal police poore maamle ki gehraai se jaanch kar rahi hai aur sabhi aaropiyon ki bhoomika ki padtaal ki ja rahi hai. Ghatna ke baad ilaake mein tanaav ka mahaul hai aur police ne kanooni karwai tez kar di hai.