Bhiwandi mein musaladhar baarish ne logon ki mushkilein badha di hain. Kamwari River danger mark ke upar beh rahi hai, jiske baad kai low-lying areas paani mein doob gaye hain.
Lagataar ho rahi tez baarish ke kaaran sadkon par paani bhar gaya hai aur kai ilaakon mein gharon aur dukaon mein bhi paani ghus gaya hai. Prashasan alert mode par hai aur logon se nadi ke kinare aur waterlogged areas se door rehne ki appeal ki gayi hai. Rescue aur monitoring teams sthiti par nazar banaye hue hain.