Air India Express ki Abu Dhabi-bound flight mein mid-air technical scare saamne aaya. Kochi se Abu Dhabi ja rahi Flight IX 415 ke pilots ne hawa mein Engine 1 ke oil quantity mein tezi se girawat notice ki.
Flight us waqt lagbhag 36,000 feet ki altitude par thi aur take-off ke around 50 minutes ho chuke the. Situation ko assess karne ke baad pilots ne Abu Dhabi jaana continue karne ke bajay flight ko wapas Kochi turn back karne ka decision liya.
Return ke dauran Engine 1 ka oil pressure danger zone mein pahunch gaya, jiske baad crew ne safety procedure follow karte hue engine shut down kar diya. Boeing 737 ne baad mein Cochin International Airport par safely landing ki, aur passengers safe rahe.
Aakhir 36,000 feet par engine oil pressure ne aisa kya signal diya ki flight ko Abu Dhabi ka route chhodkar Kochi lautna pada? Pilots ki timely action se ek potentially serious situation ko safely handle kiya gaya.