Navapur: Illegal gutkha racket ke khilaaf Navapur Police ne ek badi karvayi karte hue lakhon rupaye ke ban gutkha se bhara ek container seize kiya hai. Police ki is action se gutkha mafia mein hadkamp mach gaya hai.
Police ko gupt soochna mili thi ki ek container ke zariye banned gutkha ki badi khep transport ki ja rahi hai. Is input ke baad police ne naka bandi kar container ko roka aur checking ke dauran usme se bhari matra mein ban gutkha baramad hua.
Police ne container ke saath poora maal jabt kar liya hai, jiski bazaar keemat lakhon rupaye batayi ja rahi hai. Is mamle mein driver aur anya sambandhit logon se poochtaach jaari hai, jabki police yeh pata lagane mein juti hai ki gutkha ki supply kahan se ho rahi thi aur ise kis jagah pahunchaya jana tha.
Navapur Police ka kehna hai ki illegal tobacco products ke khilaaf aage bhi aise hi sakht action jaari rahenge. Is operation ko gutkha mafia ke network par ek bada jhatka maana ja raha hai.