Delhi ke Jantar Mantar par chal rahe protest ke dauran activist Sonam Wangchuk ko police ne protest site se hata kar hospital shift kar diya. Police ke mutabik unki tabiyat kharab hone ke baad doctors ki salah par unhe medical treatment ke liye le jaya gaya.Is action ke baad CJP Chief Abhijeet Dipke ne Delhi Police par teekha hamla bolte hue kaha, “Ye police officers nahi, RSS ke goons hain.” Dipke ka aarop hai ki Wangchuk ko zabardasti protest site se hataya gaya aur protestors ke saath bhi dhakka-mukki ki gayi. Yeh Dipke ke aarop hain.Wahin Delhi Police ne in aaropon ko kharij karte hue kaha ki poori karwai Sonam Wangchuk ki health condition aur medical advice ko dekhte hue ki gayi. Police ka kehna hai ki unki suraksha aur sehat ko dhyan mein rakhte hue unhe hospital shift kiya gaya.Is ghatna ke baad siyasi mahaul garam ho gaya hai. Opposition parties ne is mudde par sarkar ko gherna shuru kar diya hai, jabki CJP ne protest jaari rakhne ki baat kahi hai. Ab is poore maamle par siyasi aur kanooni bahas tez ho gayi hai.