Mumbai: Maharashtra ke Chief Minister Devendra Fadnavis ne BMC ke ₹1.5 crore ke Innova vehicle proposal par sakht narazgi jatate hue adhikariyon ko fatkaar lagayi. CM ne saaf shabdon mein kaha ki public money barbaad karne ke bajay logon ki bhalai aur zaroori public welfare projects par dhyan diya jaye.
Bataya ja raha hai ki mehngi gaadiyon ke proposal ko dekhkar CM ne turant is par sawal uthaye aur BMC ko financial discipline banaye rakhne ki hidayat di. Unhone zor diya ki taxpayers ke paison ka istemal sirf zaroori aur janhit ke kaamon ke liye hona chahiye. Is mudde ke baad BMC ke kharch aur faislon par ek baar phir charcha tez ho gayi