Mumbai Airport Customs ne ek international drug syndicate ke khilaaf badi karwai karte hue 19 saal ke ek yuvak ko giraftar kiya hai. Aaropi ke paas se lagbhag 16 kilogram Hydroponic Weed baramad ki gayi, jiski international market mein keemat croreon rupaye batayi ja rahi hai.
Customs officials ke mutabik, aaropi videsh se Mumbai pahuncha tha aur uske baggage ki checking ke dauran drug consignment pakda gaya. Shuruaati jaanch mein is baat ke sanket mile hain ki aaropi ek international drug trafficking network se juda ho sakta hai.
Filhaal Customs aur anya investigating agencies is poore racket ki gehraai se jaanch kar rahi hain. Authorities yeh pata lagane ki koshish kar rahi hain ki is syndicate mein aur kaun-kaun shamil hai aur drug consignment ka final destination kya tha. Is action ko Mumbai Airport par drugs smuggling ke khilaaf ek badi safalta maana ja raha hai.