Mumbai ke Coastal Road par Marine Drive ke paas ek suspicious bag milne se security agencies alert mode par aa gayi. Bag dikhte hi police ko soochna di gayi, jiske baad poore area ko precaution ke taur par secure kar diya gaya.
Mauke par Bomb Detection and Disposal Squad (BDDS) ki team ko turant bulaya gaya. Team ne standard security protocol follow karte hue bag ki jaanch shuru ki. Police ne aas-paas ke area mein surveillance badha diya aur logon se shaant rehne aur afwaahon par dhyan na dene ki appeal ki.
Filhaal bag ki jaanch jaari hai aur authorities har angle se maamle ki investigation kar rahi hain. Police ne kaha hai ki security ko dekhte hue sabhi zaroori ehtiyaati kadam uthaye gaye hain aur situation par lagataar nazar rakhi ja rahi hai.