Thane: Thane ke Ambe-Ghosale Lake se ek agyat mahila ki laash milne se ilaake mein sansani phail gayi. Local logon ne paani mein body tairti hui dekhi aur turant police ko soochna di.
Mauke par pahunchi police aur rescue team ne mahila ki body ko bahar nikala aur postmortem ke liye bhej diya. Filhaal mahila ki pehchaan nahi ho paayi hai.
Police ne Accidental Death Report (ADR) darj kar jaanch shuru kar di hai. Officials aas-paas ke CCTV footage aur missing person reports ki bhi jaanch kar rahe hain. Maut ke asli kaaran ka pata postmortem report aur police investigation ke baad hi chal sakega.