Ghaziabad ke Vijay Nagar area mein Thursday morning ek school van ka shocking accident CCTV mein capture hua. Reports ke mutabik, करीब 7:30 baje van driver ne control kho diya, jiske baad van roadside ped se takraayi aur ped ko todte hue lagbhag 5 feet neeche service lane par ja giri.
Van mein 4 school children maujood the, jo DAV School, Pratap Vihar ja rahe the. Accident ke baad aas-paas ke log turant mauke par pahunche aur bachchon ko van se safely bahar nikala.
Ghabrahat bhare is haadse ke bawajood bachchon ko serious injury nahi hui. Police ab jaanch kar rahi hai ki aakhir van ka control kaise chhuta. CCTV footage mein accident ka poora dramatic moment record hua hai.