Social media par in dino ChatGPT ka 80s AI Photo Trend zabardast viral ho raha hai. Is trend mein users apni current photos ko AI ki madad se 1980s ke retro look mein transform kar rahe hain—vintage clothes, hairstyles, old-school lighting aur film-grain effect ke saath.
Ab iska craze Indian politicians tak bhi pahunch gaya hai. Union Minister Piyush Goyal ne AI-generated 80s-style photo share ki, jabki Kiren Rijiju ne bhi retro avatar ke saath trend join kiya.
Rahul Gandhi ka bhi 80s-inspired retro look social media par share kiya gaya. Congress Sevadal ne unki AI-generated image post ki, jabki Shashi Tharoor ne AI image banwane ke bajay apni asli 1980s ki purani photographs share karke trend mein entry li.
PM Modi samet kai political personalities ke imagined 80s looks ne internet par nostalgia aur curiosity dono badha di hai. Trend mein celebrities aur cricketers bhi shamil ho rahe hain, jiski wajah se #80sTrend social media par aur तेजी se spread ho raha hai.