Chhatrapati Sambhajinagar se Instagram Reel ke chakkar mein jaan risk mein daalne wala VIDEO saamne aaya hai. Viral video mein ek hi scooter par 5 log ek saath baithkar ride karte hue nazar aaye, jise dekhkar road safety ko lekar sawaal khade ho gaye.
Social media par video viral hone ke baad police ne action liya aur case file kiya gaya. Action ke baad scooter rider ne apni galti maani aur maafi maangte hue dobara aisi risky riding na karne ki baat kahi.
Lekin sawaal ye hai ki Instagram par kuch seconds ki reel ke liye 5 logon ki jaan ko risk mein daalne ki zarurat aakhir kyun padi? Viral video ne ek baar phir Reels ke craze aur road safety ko lekar debate chhed di hai.