Mumbai: Mumbai mein ek reversing BEST bus ki wajah se achanak afra-tafri mach gayi. Bus reverse karte waqt control se bahar ho gayi aur raste par khadi kai gaadiyon ko takkar maar di. Is haadse mein ek pedestrian bhi zakhmi ho gaya, jise turant hospital le jaya gaya.
Eyewitnesses ke mutabik, bus reverse karte waqt driver ka control chhoot gaya, jiske baad bus ne ek ke baad ek vehicles ko hit kar diya. Haadse ke baad mauke par logon ki bheed jama ho gayi aur police ne situation ko control kiya.
Filhaal police ne case register karke incident ki jaanch shuru kar di hai. Bus driver se bhi poochtaach ki ja rahi hai taaki pata chal sake ki haadsa technical fault ki wajah se hua ya human error tha.
Mumbai Sansani aapko is incident se judi har badi update sabse pehle pahunchata rahega