Gurugram: Tez baarish ke beech Gurugram ke luxury residential society Imperia Esfera mein ek bada haadsa dekhne ko mila, jab ek apartment ki balcony achanak bharbharakar gir gayi. Is ghatna ne poori society mein dar aur ghabrahat ka mahaul paida kar diya.
Eyewitnesses ke mutabik, balcony girte hi zor ka dhamaka hua aur aas-paas ke residents turant bahar nikal aaye. Khushkismati se is haadse mein kisi ki jaan jaane ki khabar nahi hai, lekin incident ne building ki construction quality aur safety standards par bade sawaal khade kar diye hain.
Heavy rain ke baad residents ne demand ki hai ki poori building ka structural safety audit kiya jaye, taaki aage kisi aur bade haadse ko roka ja sake. Society management aur local authorities ne site ka inspection shuru kar diya hai aur balcony collapse ki wajah jaanne ke liye investigation chal rahi hai.
Is incident ke baad Gurugram ke kai high-rise societies mein rehne wale log bhi apni building ki safety ko lekar chintit nazar aa rahe hain. Experts ka maanna hai ki monsoon ke dauran purani ya damaged structures ki regular inspection bahut zaroori hai.
News Written By Kazi Maaz