Mumbai: Kendriya Sadak Parivahan aur Rajmarg Mantri Nitin Gadkari ko Bombay High Court se badi rahat mili hai. Court ne social media aur online platforms ko Gadkari ke khilaaf maujood apattijanak aur badnaam karne wali posts ko hatane ka nirdesh diya hai.
Yeh mamla un online posts se juda tha jinke baare mein daawa kiya gaya ki unmein galat aur bhramak jaankari ke zariye Nitin Gadkari ki chhavi ko nuksan pahunchaya ja raha tha. Is par sunwai karte hue Bombay High Court ne platforms ko aise content ko turant remove karne ke nirdesh diye.
Court ne spasht kiya ki agar kisi vyakti ki chhavi ko jhoothi ya bina saboot wali jaankari se nuksan pahunchaya ja raha ho, to uske khilaaf kanooni karwai ki ja sakti hai. Is faisle ko online defamation ke mamlon mein ek mahatvapurn kadam maana ja raha hai.
Bombay High Court ke is aadesh ke baad social media platforms par maujood vivadit posts ko hatane ki prakriya shuru hone ki sambhavna hai. Is faisle ko Nitin Gadkari ke liye ek badi kanooni jeet ke roop mein dekha ja raha hai, jabki digital platforms ki zimmedari ko lekar bhi ek baar phir charcha tez ho gayi hai