Mumbai ke Fake PMO ID Case mein investigation ke dauran ek bada khulasa saamne aaya hai. Crime Branch ke mutabik, accused Rohan Parekh ne allegedly confession mein bataya ki woh 2025 se ChatGPT ka use karke PMO se jude fake documents taiyaar kar raha tha.
Police investigation mein saamne aaya hai ki allegedly AI ki madad se documents ko official-looking format dene ki koshish ki gayi. Fake PMO identity aur documents ke zariye authorities ko influence karne ka poora network kaise kaam kar raha tha, ab Crime Branch iski gehraai se jaanch kar rahi hai.
Sabse bada sawaal ye hai ki AI tool ka use karke fake government documents kitne samay se taiyaar kiye ja rahe the aur inka istemaal kahan-kahan hua? Investigation mein iske aur bhi links saamne aane ki sambhaavna hai.
Fake PMO identity se lekar AI-generated documents tak… Mumbai Crime Branch ki jaanch ab is poore khel ki layers kholne mein juti hai.