Mumbai ke Andheri area mein ek hit-and-run ka hairaan kar dene wala maamla saamne aaya hai. Wrong side se aa rahe ek bike rider ne 9 saal ki bacchi ko zor daar takkar maar di. Haadse ke baad aaropi bina ruke mauke se farar ho gaya.
Takkar mein bacchi ko chot lagi aur use turant ilaaj ke liye hospital le jaaya gaya. Ghatna ke baad police ne case darj kar liya hai aur CCTV footage ke zariye farar biker ki talaash shuru kar di hai. Police ka kehna hai ki aaropi ko jald hi pakad liya jayega.
Is incident ne ek baar phir wrong-side driving aur rash riding ko lekar bade sawaal khade kar diye hain.